کراچی(نیوز ڈیسک)ایم کیو ایم اور پاکستان تحریک انصاف کے کارکنوںکے درمیان تصادم کے بعد ایس ایچ او عزیز آباد کو معطل کر دیا گیا ہے۔تفصیلات کے مطابق پی ٹی آئی کے رہنما عمران اسماعیل جلسے کیلئے جناح گراونڈ کا دورہ کرنے کیلئے گئے تو ایم کیو ایم کے کارکنوں کی طرف سے ان پر پتھراو کیا گیا اور ان پر ڈنڈے برسائے گئے جس کے بعد حالات کشیدہ ہو گئے اور دونوں پارٹیوں کے کارکنوں کے درمیان لڑائی شروع ہو گئی ۔اس تصادم کے دوران پولیس نے خاموش تماشائی کاکردار ادا کیا جس پر ایس ایس پی سنٹرل نعمان صدیقی نے ایڈیشنل آئی جی کی ہدایت پر ایس ایچ او عزیز آباد عاصم الرحمان کو معطل کر دیا گیا اور ان کی جگہ سلیم اللہ قریشی کو ایس ایچ او عزیز آباد تعینات کر دیا گیا ہے۔