لندن(نیوز ڈیسک)بلاول بھٹو زرداری نے تعلیم کے حصول کیلئے سیاست کو خیر آباد کہہ دیا ہے۔ ذرائع کا کہناہے کہ بلاول بھٹو زرداری اورآصف علی زرداری کے درمیان اختلافات کی خبریں منظر عام پر آنے کے بعداب یہ بات سامنے آئی ہے کہ بلاول بھٹو زرداری نے بیچلرز ڈگری کے بعد برطانیہ کی ایک یونیورسٹی میں دو سالہ ماسٹرز ڈگری پروگرام میں داخلہ لے لیا ہے جس سے اندازہ ہوتا ہے کہ وہ دو سال تک سیاست میں حصہ نہیں لیں گے۔یاد رہے کہ بلاول بھٹو بے نظیر بھٹو کی برسی پر بھی پاکستان نہیں آئے تھے اور اب ذوالفقار علی بھٹو کی برسی کی تقریب بھی لندن میں منعقد کی جارہی ہے جس سے اندازہ ہوتا ہے کہ بلاول خود کوسیاست سے دور رکھنے کی کوشش کر رہے ہیں۔