سکھر(نیوز ڈیسک)قومی اسمبلی میں قائد حزب اختلاف سید خورشید شاہ کا کہنا ہے کہ 4 اپریل کو گڑھی خدا بخش میں پاکستان پیپلز پارٹی (پی پی پی) کے بانی ذوالفقارعلی بھٹو کی 36 ویں برسی میں ان کے نواسے اور چیئرمین پی پی پی بلاول بھٹو زرداری کی شرکت کا امکان نہیں ہے۔واضح رہے کہ چیئرمین پیپلز پارٹی بلاول بھٹو زرداری نے گزشتہ برس دسمبر میں اپنی والدہ محترمہ بینظیر بھٹو کی ساتویں برسی میں بھی شرکت نہیں کی تھی، جس سے یہ خبریں گردش کرنے لگیں کہ بلاول کے اپنے والد سابق صدر اور پیپلز پارٹی کے شریک چیئرمین آصف علی زرداری سیمبینہ طور پر اختلافات پیدا ہوگئے ہیں۔