اسلام آباد (نیوز ڈیسک) پاکستان تحریک انصاف کے چیئرمین عمران خان نے نجی ٹی وی کو انٹرویو دیتے ہوئے کہاہے کہ ایم کیو ایم کے قائد الطاف حسین حقیقی زندگی کے ولن ہیں جبکہ خود ان کی جماعت کے لوگ ان سے نجات حاصل کرنا چاہتے ہیں۔انہوں نے بھارتی فلم انڈسٹری کے فلم سازوں سے درخواست کی ہے کہ وہ انہیں اپنی فلموں میں ڈان کا کردار دیں تاکہ ان کا شوق پورا ہو سکے۔عمران خان کا کہنا تھا کہ الطاف حسین کراچی میں ہونے والی ٹارگٹ کلنگ کے ذمہ دار ہیں جبکہ الطاف حسین حقیقی زندگی کے ڈان ہیں۔فلم سازوں کو چاہیئے کہ وہ الطاف حسین کو فلموں میں کام دیں تاکہ وہ اپنے شوق کی تکمیل کر سکیں۔