اسلام آباد (مانیٹرنگ ڈیسک) اگلے دو سے تین روز کے دوران ملک کے بالائی، وسطی علاقوں میں آندھی اور گرج چمک کے ساتھ بارش کی پیشگوئی، محکمہ موسمیات کے مطابق مغربی ہواؤں کا سلسلہ اتوار کی رات کو ملک میں داخل ہو گا اور بدھ تک موجود رہے گا، جس کے باعث اتوار رات سے بدھ کے دوران
کشمیر، گلگت بلتستان، چترال، دیر، سوات، شانگلہ، بونیر، کوہستان، مانسہرہ، ایبٹ آباد، ہری پور، کوہاٹ، بنوں، پشاور، کرم، وزیرستان، اسلام آباد، راولپنڈی، مری، اٹک، چکوال میں آندھی اور گرج چمک کے ساتھ بارش کا امکان ہے، اس دوران بعض مقامات پر ژالہ باری کا بھی امکان ہے۔ محکمہ موسمیات کے مطابق منگل اور بدھ کے دوران جہلم، سرگودھا، بھکر، خوشاب، میانوالی، گوجرانوالہ، گجرات، حافظ آباد، منڈی بہاؤ الدین، نارووال، سیالکوٹ، لاہور، قصور، فیصل آباد اور جھنگ میں آندھی اور گرج چمک کے ساتھ بارش کی پیشگوئی ہے، اس دوران بعض مقامات پر ژالہ باری کا بھی امکان ہے، اتوار رات سے منگل کے دوران کوئٹہ، ژوب، زیارت اور چمن میں آندھی اور گرج چمک کے ساتھ بارش کی توقع ہے، اس دوران ڈیرہ غازی خان، ملتان، بہاولنگر، بہاولپور، رحیم یار خان، سکھر، لاڑکانہ اور ڈی آئی خان کے اضلاع میں آندھی، جھکڑ چلنے کے علاوہ ہلکی بارش کا امکان ہے۔ اگلے دو سے تین روز کے دوران ملک کے بالائی، وسطی علاقوں میں آندھی اور گرج چمک کے ساتھ بارش کی پیشگوئی، محکمہ موسمیات کے مطابق مغربی ہواؤں کا سلسلہ اتوار کی رات کو ملک میں داخل ہو گا اور بدھ تک موجود رہے گا
