اسلام آباد (این این آئی)محکمہ موسمیات نے کہا ہے کہ دسمبر میں بارشیں معمول کے مطابق ہوں گی۔محکمہ موسمیات کے مطابق دسمبر میں ملک کے وسطی اور شمالی علاقوں میں معمول سے قدرے زیادہ جب کہ جنوبی علاقوں میں معمول کے مطابق یا قدرے کم بارشیں ہوں گی۔محکمہ موسمیات کے مطابق بارش کا پہلا سلسلہ دوسرے عشرے اور دوسرا سلسلہ تیسرے

عشرے میں آئے گا جبکہ بارش کا پہلا سلسلہ شمالی اور دوسرا زیادہ تر وسطی علاقوں میں آئیگا۔محکمہ موسمیات کے مطابق دسمبر کے آخری 10 دن زیادہ نم آلود رہیں گے جن میں درجہ حرارت بتدریج گرنے لگے گا جبکہ بارشوں کی وجہ سے شہری علاقوں میں آلودگی کم ہوجائیگی اور جنوبی علاقوں میں فصل ربیع کے لیے پہلے پانی کی ضرورت پوری ہو جائے گی۔

موضوعات:محکمہ موسمیات