لاہور( این این آئی)بھارت نے گیارہویں مرتبہ سلال ڈیم سے پانی چھوڑ دیاجس کے باعث پاکستان میں فلڈ الرٹ جاری کر دیا گیا ہے۔

ذرائع کے مطابق بھارت سے تقریباً 90 ہزار کیوسک پانی کا ریلہ پاکستان پہنچنے کا امکان ہے۔علاوہ ازیںملک کے بیشتردریائوں میں پانی کا بہا معمول کے مطابق ہے تاہم دریائے سندھ کے مختلف مقامات پر نچلے اوردرمیانے درجے کے سیلاب کی صورتحال برقرار ہے جبکہ تربیلا اور منگلا ڈیم میں بھی پانی کی سطح میں اضافہ ریکارڈ کیا گیا ہے۔دریائے سندھ میں سکھر بیراج پردرمیانے درجیکا سیلاب برقرار ہے،جبکہ کالا باغ،چشمہ اورگڈو بیراج پر نچلے درجے کی سیلابی صورتحال موجود ہے،دریائے راوی میں ہیڈ بلوکی پر بھی نچلے درجے کا سیلاب ریکارڈ کیا گیا ہے۔

دوسری جانب دریائے جہلم،چناب،ستلج، راوی اورکابل کے بیشتر اہم مقامات پرپانی کا بہا ئومعمول کے مطابق ہے،چاچڑان شریف اوربینظیرپل کے مقام پرپانی کے بہا ئو میں کمی ریکارڈ کی گئی۔متعلقہ اداروں نے دریائوں اورنشیبی علاقوں کی صورتحال پر کڑی نظر رکھتے ہوئے ضلعی انتظامیہ اور ریسکیو اداروں کو الرٹ رہنے کی ہدایت کر دی ہے۔