اسلام آباد (نیوز ڈ یسک)سابق وفاقی وزیر اور آزاد سینیٹر فیصل واوڈا نے ایک ٹی وی پروگرام میں گفتگو کرتے ہوئے

ملک کی سیاسی صورتحال پر تبصرہ کرتے ہوئے دعویٰ کیا ہے کہ آنے والے دنوں میں مختلف سیاسی شخصیات اور حکومتی حلقوں سے متعلق اہم انکشافات اور اسکینڈلز سامنے آسکتے ہیں۔انہوں نے کہا کہ مختلف صوبوں میں سیاسی قیادت کے درمیان اندرونی اختلافات اور اقتدار کے حصول کی کشمکش جاری ہے۔ ان کے بقول بعض سیاسی رہنما اعلیٰ عہدوں کے حصول کے خواہاں ہیں جبکہ کچھ حلقوں میں قیادت کی تبدیلی کے لیے سرگرمیاں بھی جاری ہیں۔فیصل واوڈا کا کہنا تھا کہ متعدد بااثر شخصیات سے متعلق مالی بے ضابطگیوں اور دیگر معاملات کے حوالے سے ایسی معلومات سامنے آنے کا امکان ہے جو ملکی سیاست پر گہرے اثرات مرتب کر سکتی ہیں۔ انہوں نے دعویٰ کیا کہ یہ معاملات صرف پاکستان تک محدود نہیں رہیں گے

بلکہ بعض کیسز بین الاقوامی سطح پر بھی توجہ حاصل کر سکتے ہیں۔انہوں نے مزید کہا کہ بعض لوگ خود کو طاقتور حلقوں کی حمایت یافتہ سمجھتے ہیں، تاہم مستقبل میں ایسی حمایت بھی انہیں ممکنہ تحقیقات یا احتسابی عمل سے نہیں بچا سکے گی۔گفتگو کے دوران انہوں نے الزام عائد کیا کہ مختلف سیاسی اور سرکاری شخصیات کے گرد بدعنوانی اور مالی بے ضابطگیوں کے الزامات موجود ہیں۔ ان کے مطابق آنے والے وقت میں ان معاملات پر مزید تفصیلات منظرعام پر آسکتی ہیں۔اپنی گفتگو کے اختتام پر فیصل واوڈا نے پیشگوئی کرتے ہوئے کہا کہ موجودہ سیاسی حالات میں مختلف جماعتوں اور رہنماؤں کو مستقبل میں ایک ہی سیاسی منظرنامے کا حصہ بنتے دیکھا جا سکتا ہے، جس سے ملکی سیاست میں غیر متوقع تبدیلیاں رونما ہونے کا امکان ہے۔

“مُشتَری ہوشیار باش”

ایک صوبے کی وزیراعلی وزیراعظم بننا چاہتی ہے ایک صوبے کے پرانے وزیراعلی کو ہٹا کر ایک اور بندہ اپنے آپ کو پیش کر رہا ہے ان سب کی کرپشن کے اسکینڈلز آنے ہیں ان کی ذاتی اسکینڈلز بھی آنے ہیں اور انٹرنیشنل اسکینڈلز بھی آنے ہیں ……. فیصل واوڈا آنے والے دنوں کی… pic.twitter.com/48kql513GI

— Farzana Ali (@farzanaalispark) June 16, 2026

میں پیشن گوئی کر رہا ہوں کہ مجھے آئندہ کے سیاسی منظر نامے میں یا تو سب ایک کنٹینر پہ نظر آ رہے ہیں یا سب ایک کنٹینر کے اندر نظر آر ہے ہیں، فیصل واوڈا pic.twitter.com/BliPiPu0pD

— Hussain Ahmed Ch (@HussainAhmedCh8) June 16, 2026