راولپنڈی (این این آئی)پاک فوج کے ترجمان لیفٹیننٹ جنرل احمد شریف نے کہا ہے کہ بلوچ یکجہتی کمیٹی (بی وائے سی)اور ماہ رنگ بلوچ دہشتگردوں کی پراکسی ہے۔پریس کانفرنس کرتے ہوئے ڈی جی آئی ایس پی آر لیفٹیننٹ جنرل احمد شریف نے کہاکہ میڈیا دہشتگردوں کی پراکسی ماہ رنگ بلوچ کا چہرہ دنیا کے سامنے بے نقاب کرے،
جعفر ایکسپرس آپریشن میں ہلاک دہشتگردوں کی لاشیں مانگنے ماہ رنگ بلوچ آئی، دہشتگردوں کی لاشیں لواحقین کے حوالے کی گئیں، ماہ رنگ بلوچ کون ہوتی ہے لاشیں مانگنے والی؟انہوں نے کہا کہ ماہ رنگ بلوچ کا چہرہ دنیا کے سامنے آگیا، وہ دہشتگردوں کی پراکسی ہے، بلوچ یکجہتی کمیٹی بھی دہشتگردوں کی پراکسی ہے اور بلوچ یکجہتی کمیٹی سے ویسے ہی نمٹاجائے گا جیسے دہشتگردوں سے نمٹا جاتا ہے۔ ڈی جی آئی ایس پی آر نے کہاکہ جب دہشتگرد مارے جاتے ہیں تو ان کے ڈی این اے اور شناخت کراتے ہیں ان میں سے آدھے تو مسنگ پرسنز کی فہرست میں ہوتے ہیں۔
