فیصل آباد (این این آئی)فیصل آباد کے علاقے صابری ٹاؤن میں بجلی کا بل زیادہ آنے پر نوجوان نے مبینہ طور پر خودکشی کرلی۔پولیس کے مطابق نوجوان نے بل زیادہ آنے پر اپنے سر میں گولی مارلی، زخمی نوجوان کو ہسپتال منتقل کیا جارہا تھا تاہم وہ راستے میں ہی دم توڑ گیا۔

والدہ کے مطابق بیٹا حمزہ پہلے ہی مقروض تھا اوپر سے بجلی کا بل 38 ہزار روپے سے زائد آیا تھا۔نوجوان کی والدہ کے مطابق ان کا بیٹا کہہ رہا تھا کہ بجلی کا بل زیادہ آیا ہے، کہاں سے ادا کروں؟ بیٹے نے بجلی کا بل زیادہ آنے پر اپنی زندگی کا خاتمہ کیا۔