اسلام آباد (این این آئی)چیئر مین پی ٹی آئی کی بہن علیمہ خان نے کہا ہے کہ عمران خان اپنا ملک چھوڑ کر باہر نہیں جائینگے ،اگر جیل میں رہنا پاکستان کیلئے بھلائی ہے تو اسی میں رہیں گے اور سمجھوتہ نہیں کریں گے۔ میڈیا سے گفتگو کرتے ہوئے علیمہ خان نے کہاکہ خان صاحب پاکستان کیلئے ستائیس سال سے مشن پر ہیں ۔ صحافی کے سوال پر انہوں نے کہاکہ اگر جیل میں رہنا پاکستان کے لیے بھلائی ہے تو اسی میں رہیں گے اور سمجھوتہ نہیں کریں گے۔
انہوں نے کہاکہ عمران خان اپنا گھر چھوڑ کر باہر نہیں جائیں گے ،خان صاحب نے کہا یہ سیاسی پارٹی ہے اورپاکستان میں وہ یہی تبدیلی لانا چاہ رہے تھے ۔ انہوںنے کہاکہ ہم اسوقت سیاست کیلئے نہیں اپنے بھائی کیلئے آ رہے ہیں،ہم کورٹ میں ریلیف کے لیے آئے ہیں کہ کم از کم جیل جو مینوئل کے مطابق اجازت ہے وہ تو دیں۔ انہوںنے کہاکہ یہاں پر دو سال کے بچے سے لے کر نوے سال کے بزرگ تک سبھی خان صاحب کے ساتھ ہیں
