واشنگٹن (این این آئی)امریکی محکمہ خارجہ نے کہاہے کہ ان کا ملک پاکستان کے بیلسٹک میزائل پروگرام کے لیے آلات فراہم کرنے والی کمپنیوں اور ایک فرد پر پابندیاں عائد کر رہا ہے۔غیرملکی خبررساں ادارے کے مطابق امریکی محکمہ خارجہ نیاپنے بیان میں کہا کہ پانچ اداروں اورایک شخص کیخلاف کارروائی کر رہے ہیں،جو بیلسٹک میزائلوں اورکنٹرولڈ میزائل آلات اور ٹیکنالوجی کے پھیلا میں ملوث ہیں ۔
مزید کہاکہ محکمہ خارجہ خاص طورپربیجنگ ریسرچ انسٹی ٹیوٹ آف آٹومیشن فارمشین بلڈنگ انڈسٹری کو ایگزیکٹو آرڈر کے تحت پابندی کے لیینامزدکررہا ہے،جو بڑے پیمانے پر تباہی پھیلانے والے ہتھیاروں اور ان کی ترسیل میں ملوث ہے ۔اندازہ ہے کہ یہ چینی کمپنی پاکستان کے طویل فاصلے تک مارکرنے والے بیلسٹک میزائلوں کی تیاری اور پیداوار میں معاونت کررہی ہیتاکہ شاہین تھری اور ابابیل سمیت ڈائیامیٹر راکٹ موٹرز کے ٹیسٹ کے لیے سازوسامان حاصل کرسکے۔
