اسلام آباد(این این آئی)وفاقی حکومت کی جانب سے عیدالفظر کی تعطیلات کا اعلان کر دیاگیا۔تفصیلات کے مطابق وزیراعظم شہبازشریف نے عید الفطر پر چار چھٹیوں کی منظوری دیدی، عیدالفطر کی تعطیلات 10اپریل بروز بدھ سے 13اپریل بروز ہفتے تک ہوں گی۔

واضح رہے کہ محکمہ موسمیات نے 9اپریل کو شوال کا چاند نظر آنے کے امکانات ظاہر کیے ہیں۔محکمہ موسمیات نے عید الفطر کے چاند کے حوالے سے پیشگوئی کرتے ہوئے کہا ہے کہ نئے چاند کی پیدائش 8 اپریل کو رات 11 بج کر 21 منٹ پر ہوگی اور 9 اپریل کو چاند نظر آنے کے امکانات ہیں۔