ملتان (این این آئی)پاکستان تحریک انصاف کے سابق ممبر قومی اسمبلی و سابق وزیر مملکت شبیر قریشی کو ملتان سے گرفتار کرلیا گیا ہے۔اطلاعات کے مطابق مظفرگڑھ کے شبیر قریشی کو ملتان ہائی کورٹ کے باہر سے گرفتار کیا گیا، شبیر قریشی اپنے کاغذات نامزدگی مسترد ہونے کے خلاف عدالت سے رجوع کرنے کے لیے پہنچے تھے۔
پی ٹی آئی کے ضلعی صدر و سابق وزیر مملکت ڈاکٹر میاں شبیر علی قریشی کی گرفتاری عدالت عالیہ میں پیش ہونے کے بعد واپس جاتے ہوئے عدالت عالیہ کے باہر سے عمل میں لائی گئی،ریٹرننگ آفیسر کی جانب سے کاغذاتِ نامزدگی مسترد ہونے بعد بحالی کے لئے لاہور ہائیکورٹ ملتان بنچ میں رٹ دائر کی گئی تھی وہ عدالت عالیہ میں پیش ہوئے دستخط میچ ہونے پر انکی اپیل منظور اور کاغذاتِ نامزدگی منظور ہوگئے تھے عدالت سے جونہی باہر آئے تو انہیں تحویل میں لے لیا گیا ۔
