اسلام آباد(این این آئی)پاکستان مسلم لیگ (ن)کے رہنما اور سابق وزیر دفاع خواجہ آصف نے کہاہے کہ فیض آباد دھرنے کے ماسٹر مائنڈ جنرل ریٹائرڈ فیض حمید ہیں۔ٹی وی پروگرام میں خواجہ آصف نے گفتگو کرتے ہوئے کہاکہ دھرنے والوں کے ساتھ معاہدے میں جنرل فیض حمید کے بطور گواہ دستخط اور دھرنے والوں کو پیسے دینے کے واقعات واضح کرتے ہیں کہ ماسٹر مائنڈ جنرل فیض ہی تھے۔خواجہ آصف نے کہا کہ کیا ہم میں اتنا دم تھا کہ فیض آباد دھرنا کیس پر عمل کرواتے، فیض آباد دھرنے میں جو لوگ ملوث تھے وہ ہماری حکومت میں حکمران تھے۔رہنما مسلم لیگ (ن) نے کہا کہ انشااللہ جنوری کے آخری ہفتے میں عام انتخابات ہو جائیں گے۔