اسلام آباد(این این آئی)نگراں وزیراعظم انوارالحق کاکڑ نے کہا ہے کہ انتخابات کی تاریخ کا نوٹیفکیشن جلد دیکھنے کے لیے بہت پر امید ہوں،الیکشن آئین کے مطابق وقت پرہوں گے،میرے نزدیک تمام جماعتوں کولیول پلیئنگ فیلڈہونی چاہیے،تحریک انصاف الیکشن کمیشن میں رجسٹرڈسیاسی جماعت ہے،تحریک انصاف بطورسیاسی جماعت انتخابات میں حصہ لے سکتی ہے،

پی ٹی آئی رول آف لا کے تحت انتخابات لڑسکتی ہے،تحریک انصاف کے جولوگ9مئی واقعات میں ملوث ہیں ان کے علاوہ سب انتخابات میں حصہ لے سکتے ہیں،میرے پاس کوئی تاثرنہیں کہ کسی جماعت کیخلاف کوئی ادارہ کارروائی کررہا ہے،تمسخرکبھی کسی کیلئے دلیل نہیں ہوتا حقائق کیساتھ بات کرنی چاہیے،صدر مملکت نے نگراں حکومت کے حوالے سے جوبیان دیا ہے وہ بطور صدر نہیں،سیاسی لیڈر کے طور پر کہا ہے،صدر مملکت کو اپنے بیان پر غور کرنے کی ضرورت ہے،پی ٹی آئی کے کسی لیڈر کی جبری گمشدگی کا واقعہ میرے علم میں نہیں،میں کوئی مغل بادشاہ نہیں ہوں کہ کسی کو قانونی عمل سے ہٹ کر معاف کر دوں،

میری لیول پلیئنگ فیلڈ یہ ہے کہ کسی سیاسی جماعت کے خلاف ریاستی مداخلت نہیں ہونی چاہئے،فوجی عدالتوں میں سویلینز کے ٹرائل کو کالعدم قرار دینے کے فیصلے سے متفق نہیں،ریاست کے مفادات کا حامی ہوں،معذرت خواہانہ رویہ نہیں اپنائوں گا، اسٹیبلشمنٹ کا انتخابی عمل میں کوئی کردار نہیں ہونا چاہیے،جو بھی نئی حکومت بنائے وہ اسٹیبلشمنٹ کیساتھ بہترین تعلقات رکھے۔جمعرات کو ایک نجی ٹی ی کوانٹرویودیتے ہوئے نگراں وزیراعظم نے کہاکہ انتخابات کی تاریخ کا نوٹیفکیشن جلد دیکھنے کیلئے بہت پر امید ہوں،

الیکشن آئین کے مطابق وقت پرہوں گے۔انہوںنے کہاکہ اچھی بات ہے مولانا فضل الرحمان مفاہمتی ڈائیلاگ کی سربراہی کر رہے ہیں،پاکستان میں بیوروکرسی کوپولیٹیکل پارٹی ایکٹوسٹ کے طورپردیکھاجاتاہے،میں ایسی سوچ کے خلاف ہوں ان کے بارے میں ایسانہیں سوچناچاہیے۔انہوں نے کہاکہ 9مئی کاواقعہ پاکستان کی تاریخ میں افسوسناک ہے،پاکستان کی تاریخ میں کسی سیاسی جماعت نے ایساحملہ نہیں کیاجو9مئی کوہوا،پاکستان میں کسی سیاسی جماعت نے فوجی تنصیبات پرحملے نہیں کیے،جتنی بھی گرفتاریاں ہوئی ہیں وہ9مئی واقعات کے بعدہوئی ہیں۔

انہوں نے کہاکہ اگر پی ٹی آئی چھوڑنے کی پریس کانفرنسز15اگست کے بعد ہوئی ہیں تو میں ذمہ دار ہوں،پی ٹی آئی کے کسی لیڈر کی جبری گمشدگی کا واقعہ میرے علم میں نہیں۔انہوں نے کہاکہ سیاست میں گرفتاریاں ہوتی رہتی ہیں،افریقی رہنمانیلسن منڈیلانے28سال طویل جیل کاٹی۔انہوں نے کہاکہ الیکشن کمیشن الیکٹورل پروسیس کے تحت تمام چیزوں کوآگے لے کربڑھ رہا ہے،الیکشن آئین کے مطابق وقت پرہوں گے۔نگراں وزیراعظم نے کہاکہ میرے پاس کوئی تاثرنہیں کہ کسی جماعت کیخلاف کوئی ادارہ کارروائی کررہا ہے،تمسخرکبھی کسی کیلئے دلیل نہیں ہوتا حقائق کیساتھ بات کرنی چاہیے۔انہوں نے کہاکہ میرے نزدیک تمام جماعتوں کولیول پلیئنگ فیلڈہونی چاہیے،تحریک انصاف الیکشن کمیشن میں رجسٹرڈسیاسی جماعت ہے،تحریک انصاف بطورسیاسی جماعت انتخابات میں حصہ لے سکتی ہے،

پی ٹی آئی رول آف لا کے تحت انتخابات لڑسکتی ہے،تحریک انصاف کے جولوگ9مئی واقعات میں ملوث ہیں ان کے علاوہ سب انتخابات میں حصہ لے سکتے ہیں۔انہوںنے کہاکہمیں کوئی مغل بادشاہ نہیں ہوں کہ کسی کو قانونی عمل سے ہٹ کر معاف کر دوں،میری لیول پلیئنگ فیلڈ یہ ہے کہ کسی سیاسی جماعت کے خلاف ریاستی مداخلت نہیں ہونی چاہئے۔نگراں وزیراعظم نے کہاکہ فوجی عدالتوں میں سویلینز کے ٹرائل کو کالعدم قرار دینے کے فیصلے سے متفق نہیں،ریاست کے مفادات کا حامی ہوں،معذرت خواہانہ رویہ نہیں اپنائوں گا۔انہوںنے کہاکہ اسٹیبلشمنٹ کا انتخابی عمل میں کوئی کردار نہیں ہونا چاہیے،جو بھی نئی حکومت بنائے وہ اسٹیبلشمنٹ کیساتھ بہترین تعلقات رکھے۔نگراں وزیراعظم نے کہاکہصدر مملکت نے نگراں حکومت کے حوالے سے جوبیان دیا ہے وہ بطور صدر نہیں،سیاسی لیڈر کے طور پر کہا ہے،صدر مملکت کو اپنے بیان پر غور کرنے کی ضرورت ہے۔