اسلام آباد (این این آئی)الیکشن کمیشن آف پاکستان کی جانب سے پاکستان میں آئندہ سال ہونے والے عام انتخابات پر غیر ملکی مبصرین کیلئے دعوت نامے جاری کر دیے گئے۔الیکشن کمیشن کے مطابق انتخابات کی شفافیت کیلئے ملکی و غیر ملکی مبصرین کیلئے اوپن ڈور پالیسی ہے، غیر ملکی مبصرین کو الیکشن کمیشن میں ایکریڈیشن کرانا لازمی ہو گا۔
الیکشن کمیشن نے اپنے دعوت نامے میں کہا کہ غیر ملکی مبصرین ویزے کے جلد حصول کے لیے وزارتِ خارجہ کے پاکستان آن لائن پورٹل پر کوائف جمع کرائیں، ایکریڈیشن فارم الیکشن کمیشن کی ویب ساٹ سے ڈان لوڈ کیے جا سکتے ہیں۔الیکشن کمیشن کے مطابق سیاسی وابستگی رکھنے والوں کو ایکریڈیشن جاری نہیں کیا جائے گا، غیر ملکی مبصرین کے لیے سیکیورٹی کلیئرنس لازمی قرار دیا گیا ہے۔الیکشن کمیشن کی جانب سے جاری کیے گئے دعوت نامے میں کہا گہا کہ غیر ملکی مبصرین انتخابی بے قاعدگیوں کی رپورٹ جمع کرائیں گے، غیر ملکی مبصرین رپورٹ میں انتخابی عمل مزید بہتر بنانے کے لیے تجاویز بھی دے سکتے ہیں۔
