اسلام آباد (این این آئی)نیب نے 190ملین پاؤنڈ سکینڈل کیس میں چیئرمین پی ٹی آئی عمران خان کو دوبارہ طلب کرلیا۔تفصیلات کے مطابق نیب نے چیئرمین پی ٹی آئی عمران خان کو نیشنل کرائم ایجنسی 190ملین پاؤنڈسکینڈل میں ایک بار پھر طلب کرلیا ہے۔
عمران خان کو 18مئی کو بھی طلب کیا گیا تھا تاہم وہ نیب کے سامنے پیش نہیں ہوئے تھے اور اپنی لیگل ٹیم کے ذریعے نیب کو جواب جمع کرایا تھا۔نیب ذرائع کے مطابق نیب نے عمران خان کو 23مئی کو صبح 10بجے نیب راولپنڈی میں طلب کیا ہے۔
