اسلام آباد (این این آئی) پاکستان تحریک انصاف کے رہنما علی محمد خان اور سینیٹر اعجاز چوہدری کو گرفتار کرلیا گیا۔پولیس حکام کے مطابق علی محمد خان کو اسلام آباد سے گرفتار کیا گیا، انہیں 3 ایم پی او کے تحت گرفتار کیا گیا ہے۔پولیس کے مطابق سینیٹر اعجاز چوہدری کو گلگت بلتستان ہاؤس سے گرفتار کیا گیا، سینیٹر اعجاز چوہدری کو بھی 3 ایم پی او کے تحت گرفتار کیا گیا بعد ازاں دونوں رہنمائوں کو اڈیالہ جیل منتقل کر دیا گیا ۔خیال رہے کہ اس سے قبل تحریک انصاف کے رہنما شاہ محمود قریشی، فواد چوہدری اور اسد عمر کو بھی نقص امن کے خطرے کے پیش نظر حراست میں لیا جا چکا ہے۔ ان رہنماؤں کو اڈیالہ جیل منتقل کیا جاچکا ہے۔