لندن(این این آئی)پاکستان مسلم لیگ (ن)کے قائد سابق ورزیراعظم محمد نوازشریف نے کہاہے کہ ہم نے اپنا معاملہ اللہ تعالیٰ پر چھوڑ دیا تھا،الیکشن بارے سپریم کورٹ کے 3-4کے بینچ کو مانتے ہیں، 2-3کو نہیں۔پاکستان تحریک انصاف کے چیئر مین عمران خان کی جانب سے وہیل چیئر پر عدالت میں پیشی کے حوالے سے صحافی نے سابق وزیراعظم نوازشریف سے سوال پوچھا کہ سپریم کورٹ آف پاکستان کی طرف سے ملک میں ایک ہی روز انتخابات کے حوالے سے کیس کی سماعت جمعہ کو مقرر کی ہے،

عدالت کی جانب سے کہا جا رہا ہے انتخابات ایک ہی روز ہوں گے کے جواب میں محمد نواز شریف نے کہا کہ ہم تو سپریم کورٹ کے 3-4کے بینچ کو مانتے ہیں، 2-3کو نہیں۔صحافی نے عمران خان کا نام لئے بغیرسوال کیا کہ کچھ لوگ بیماری کا مذاق اڑاتے تھے خود وہیل چیئر پر بیٹھ کر عدالت میں پیش ہو رہے ہیں جس پر سابق وزیراعظم نے کہا کہ انہیں اللہ تعالیٰ دکھا رہا ہے، ہم نے اپنا معاملہ اللہ تعالیٰ پر چھوڑ دیا تھا۔

موضوعات:نواز شریف