اسلام آباد (مانیٹرنگ ڈیسک) تحریک انصاف کے چیئرمین عمران خان نے اپنے ویڈیو خطاب میں ایک بار پھر اپنی حکومت گرانے میں سابق آرمی چیف کو ذمہ دار ٹھہراتے ہوئے کہا کہ جنرل (ر) قمر جاوید باجوہ سپرکنگ تھے اور سارے اختیارات ان کے پاس تھے۔ ان کا کہنا تھا کہ طاقت ور ٹولے اور مافیاز کو قانون سے اوپر رہنے کی عادت ہے، عمران خان کا کہنا تھا کہ میرے پیچھے یہ ساڑھے تین سال لگے رہے، این آر او دو، بدقسمتی سے ان کو این آر او ملا، جنرل باجوہ نے ان کو این آر او دیا، ان کو صرف ایک شخص سے خوف ہے اور وہ عمران خان ہے، قوم کے پیسے کی چوری کبھی معاف نہیں کر سکتا۔