پشاور (این این آئی) خیبرپختونخوا حکومت نے بس ریپڈ ٹرانزٹ (بی آر ٹی) سروس کیلئے چین سے مزید 86 نئی بسیں خریدنے کا اعلان کیا ہے جس کی تخمینہ لاگت ایک بلین روپے ہے،گوادر پرو کے مطابق بی آر ٹی میں چھ نئے فیڈر روٹس اور 86 بسیں شامل کی جائیں گی،بی آر ٹی کے روٹس پر پہلے ہی چین کی بنی ہوئی درجنوں بسیں عوام کی خدمت کر رہی ہیں۔ بجٹ دستاویز میں بتایا گیا کہ چین سے 86 نئی بسوں کے ساتھ اس کے نئے فیڈر روٹس کو فعال بنایا جائیگا ان نئی بسوں کی شمولیت سے بی آر ٹی کی گنجائش روزانہ کی بنیاد پر 350000 مسافروں تک بڑھے گی۔ بی آر ٹی سروس میں شامل کیے جانے والے چھ نئے فیڈر روٹس میں حیات آباد فیز ون، ناصر باغ روڈ، چمکنییپبی بازار، ورسک روڈ، خیبر روڈ اور چارسدہ روڈ ایکسٹینشن شامل ہیں۔