اسلام آباد (این این آئی) وزیر اعظم عمرا خان (آج)روضہ رسول ؐپر حاضری دینگے ، اتوار کو عمرہ ادا کرینگے ۔وزیراعظم عمران خان 3 روزہ دورے پرسعودی ولی عہد محمد بن سلمان کی دعوت پر سعودی عرب پہنچے ،۔وزیر خارجہ شاہ محمود قریشی، وزیر داخلہ شیخ رشید گورنر سندھ عمران اسماعیل و دیگر بھی وزیراعظم کے ساتھ تھے۔وزیراعظم عمران خان (آج)ہفتہ کو روضہ رسول ؐ پرحاضری دیں گے اور اتوارکوعمرہ اداکریں گے۔
اور اتوارکوعمرہ اداکریں گے۔ذرائع کے مطابق تین روزہ دورے کے دوران دوطرفہ تعاون، اقتصادی اور تجارتی تعلقات پر تبادلہ خیال کیا جائے گا۔وزیراعظم سعودی حکام کے ساتھ سعودی عرب میں پاکستانیوں کے مسائل پر بھی تبادلہ خیال کریں گے۔وزیراعظم عمران خان او آئی سی کے سیکریٹری جنرل ڈاکٹر یوسف، ورلڈ مسلم لیگ کے سیکریٹری جنرل محمد بن الکریم العیسیٰ اور حریمین شریفین کے پیش اماموں سے ملاقاتیں بھی کریں گے۔معاون خصوصی شہباز گل کا کہنا ہےکہ وزیر اعظم عمران خان آج شام جدہ پہنچیں گے۔ وزیر اعظم کی مصروفیات میں سعودی ولی عہد محمد بن سلمان سے ملاقات، ایم او یوز پر دستخط اور دونوں طرف کے وفود کی ملاقاتیں بھی مصروفیات میں شامل ہیں۔
