اسلام آباد(مانیٹرنگ ڈیسک) ڈسکہ کے عدالتی ریمارکس فیصلے پر مریم نواز کا میڈیا سیل ایک کمپین چلا رہا ہے کیوں، اس سوال کا جواب دیتے ہوئے معروف صحافی ہارون رشید نے کہا کہ بڑی افسوسناک کمپین ہے، عدالت نے فیصلہ کر دیا ہے کہ وہاں پولنگ نہیں ہو گی، انہوں نے پولنگ ملتوی کر دی، جسٹس عطا بندیال نے واضح کر دیا کہ چند پولنگ سٹیشنز کا مسئلہ ہے پورے حلقے میں ری پولنگ
کیسے ہو سکتی ہے، فائرنگ کا الزام ن لیگ پر بھی ہے، ہارون رشید نے کہا کہ میں ذمہ داری سے کہہ رہا ہوں کہ ججوں کی کردار کشی کی مہم ان اکاؤنٹس سے ہو رہی ہے جن کی نگرانی مریم نواز کر رہی ہیں، ایک دن ان کے حق میں فیصلہ آتا ہے وہ ٹھیک ہے لیکن دوسرے دن ان کے خلاف فیصلہ آتا ہے تو وہ ٹھیک نہیں ہے۔ ایک فیصلہ آپ کے حق میں گیا وہ جج اچھے ہیں۔
