وزیراعظم عمران خان نے تمام سرکاری مصروفیات ترک کردیں

  جمعرات‬‮ 4 مارچ‬‮ 2021  |  13:27

اسلام آباد(مانیٹرنگ ڈیسک، این این آئی)وزیراعظم عمران خان نے سرکاری مصروفیات ترک کردیں،وزیراعظم نے سینئر پارٹی رہنمائوں اور وزراکو وزیراعظم ہائوس طلب کرلیا۔نجی ٹی وی کے مطابق وزیراعظم عمران خان آج عبدالحفیظ شیخ کی شکست کی وجوہات پربریفنگ لیں گے،وزیراعظم اعتماد کا ووٹ لینے سے متعلق پارٹی رہنمائوں سے مشاورت کریں گے،اجلاس میں اہم فیصلے بھی متوقع ہیں،ملکی سیاسی صورتحال اور پی ڈی ایم تحریک کابھی جائزہ لیاجائے گا۔دوسری جانب قومی اسمبلی اجلاس شروع ہوتے ہی غیر معینہ مدت تک ملتوی کردیا گیا،اجلاس کے اچانک ملتوی کرنے پر اپوزیشن نے احتجاج کیا ، ،اجلاس غیرمعینہ مدت تک ملتوی کرکے جلد


ہی وزیر اعظم کے اعتماد کے لئے بلایا جائیگا۔جمعرات کو قومی اسمبلی اجلاس ڈپٹی سپیکر قاسم سوری کی صدارت میں شروع ہوا تو تلاوت نعت اور قومی ترانہ کے بعد ڈپٹی سپیکر نے اجلاس غیر معینہ تک ملتوی کرنے کا اعلان کردیا ۔اس پر اپوزیشن نے شور شرابہ شروع کردیا کہ اچانک اجلاس کیوں ملتوی کردیا گیا ہے ۔یہ اجلاس اپوزیشن کی ریکوزیشن پر جاری تھا پی پی پی رکن آغا رفیع اللہ نے کھینچ کے رکھ تان کے رکھ بوریا بستر باندھ کے رکھ کی نعرے بازی شروع کردی تاہم ڈپٹی سپیکر کے اعلان کے باعث اجلاس غیر معینہ مدت تک ملتوی کردیاگیا۔ذرائع کے مطابق سپیکر قومی اسمبلی نے مشاورت کے بعد اجلاس ملتوی کیا ،وزیراعظم کے اعتماد کے ووٹ کیلئے نیا اجلاس بلایا جائیگا، جس کے لئے سمری وزارت پارلیمانی امور صدر مملکت کو بھیجے گی۔


موضوعات:

زیرو پوائنٹ

12ہزار درد مندوں کی تلاش

ارشاد احمد حقانی (مرحوم)’’ ریڈ فائونڈیشن‘‘ کا پہلا تعارف تھے‘ حقانی صاحب سینئر صحافی تھے‘ سیاسی کالم لکھتے تھے اور یہ اپنے زمانے میں انتہائی مشہور اور معتبر تھے‘ میری عمر کے زیادہ تر صحافی ان کی تحریریں پڑھ کر جوان ہوئے اور صحافت میں آئے‘ حقانی صاحب ہر رمضان میں چند قومی این جی اوز اور خیر کا کام ....مزید پڑھئے‎

ارشاد احمد حقانی (مرحوم)’’ ریڈ فائونڈیشن‘‘ کا پہلا تعارف تھے‘ حقانی صاحب سینئر صحافی تھے‘ سیاسی کالم لکھتے تھے اور یہ اپنے زمانے میں انتہائی مشہور اور معتبر تھے‘ میری عمر کے زیادہ تر صحافی ان کی تحریریں پڑھ کر جوان ہوئے اور صحافت میں آئے‘ حقانی صاحب ہر رمضان میں چند قومی این جی اوز اور خیر کا کام ....مزید پڑھئے‎