اسلام آباد (این این آئی)نمل یونیورسٹی کے مختلف ڈیپارٹمنٹس اور فاسٹ یونیورسٹی کا ایک ڈیپارٹمنٹ بھی سیل کرنے کا فیصلہ کرلیا گیا ۔ میڈیا رپورٹ کے مطابق نمل یونیورسٹی کے مختلف ڈیپارٹمنٹس اور سٹاف میں 7 کورونا کیسز رپورٹ ہوئے ،ڈیپارٹمنٹ آف مینجمنٹ سائسنز

میں ،2 ڈیپارٹمنٹ آف کمپیوٹر سائنس میں ایک کورونا کیس رپورٹ ہوئے،پی ایس انگلش میں ایک،بی بی اے میں ایک اور پبلیکشن آفس میں بھی ایک کیس سامنے آیا،فاسٹ یونیورسٹی کے ایم ایس ڈیٹا سائنسز ڈیپارٹمنٹ میں دو کورونا کیسز رپورٹ ہوئے ،فاسٹ یونیورسٹی کے متاثرہ کلاس رومز کو سیل کرنے کا فیصلہ کرلیا گیا ،وزارت صحت نے ضلعی انتظامیہ کو دونوں تعلیمی اداروں کو سیل کرنے کا حکمنامہ جاری کر دیا، حکمنامے کے مطابق ہاسٹل میں رہنے والے متاثرہ طلباء طالبات کو آئسولیٹ کیا جائیگا،متاثرہ طلباء کے رابطے میں رہنے والے افراد کے بھی کورونا ٹیسٹ کیے جائیں گے۔یونیورسٹیز کی حدود میں ڈس انفیکشن کا عمل بھی مکمل کرنے کی ہدایت کی گئی جبکہ یونیورسٹیز کے دیگر ڈیپارٹمنٹس کو کورونا ایس او پیز پر سختی سے عمل درآمد کی ہدایت کی گئی ۔دریں اثنا کورونا سے متاثرہ تعلیمی اداروں کو کسی تاخیر کے بغیر فوری سیل کر دیا ہے۔اڈسٹرکٹ ہیلتھ آفیسر زعیم ضیا کے مطابق کورونا سے متاثرہ تعلیمی

اداروں کو کسی تاخیر کے بغیر فوری سیل کر دیا ہے، ڈی ایچ او کے مطابق کسی تعلیمی ادارے کے ساتھ کوئی تعصب نہیں ہے ۔ انہوں نے کہاکہ کورونا وائرس کے پھیلائو کوروکنے کے لئے سکولوں اور یونیورسٹیز میں لاک ڈائون لگایا گیا ہے، وبا کے پھیلاو کو روکنے کے لئے ہمارا ساتھ دیجئے ۔