اسلام آباد(مانیٹرنگ ڈیسک)وفاقی وزیر ریلوے شیخ رشید نے نجی ٹی وی پروگرام میں گفتگو کرتے ہوئے کہا ہے کہ کرپشن میں نواز شریف کا کوئی ثانی نہیں ، یہ بات میںنے اپنی کتاب میں بھی تحریر کی ہے مگر بطور انسان ملنے جلنے میں وہ ٹھیک تھے۔

نواز شریف کی آرمی چیفس کے ساتھ لڑائی رہی ہے اب تو میراخیال ہے ایسی لڑائی پڑ گئی ہے کہ بنیادیں ہی کھد گئی ہیں ۔آرمی کی اور ان کی سوچ میں زمین آسمان کا فرق ہے اور ان کی بیٹی کا بھی یہی رول ہے وہ اسی رول پر چل رہی ہیں۔ آصف نواز نے مجھے کہا کہ نواز شریف کو باز کرواویہ میرے فون ریکارڈ کرتا ہے۔پرویز مشرف نے کہا تھا کہ نواز شریف کا رویہ بہت خراب تھا، پرویز مشرف نے کہا کہ مجھے اس پر پہلے سے شک تھااور اگر نواز شریف کوئی ایسا فیصلہ کرے تو اس کا توڑ پیش کیا جائے۔جہانگیر کرامت کی لڑائی معمولی لڑائی تھی جو سنجیدہ ہوگئی، جہانگیر کرامت ایک شریف جرنیل تھاتو اس نے استعفیٰ پیش کردیا اور چلا گیا۔کوئی جرنیل ایسا نہیں تھا جس سے نواز شریف کے معاملات ٹھیک گزرے ہوں۔ نواز شریف کے مقابلے میں پرویز مشرف کا کیس مضبو ط تھانواز شریف پرویز مشرف کے جہاز کو بھارت میں لینڈ کرانا چاہتے تھے ۔انہوں نے ایک سوال کے جواب میں کہا کہ لندن میں عمران خان اور طاہر القادری کے درمیان ملاقات ہوئی ۔

اس ملاقات میں جہانگیر ترین بھی شامل تھے ۔ مجھے نہیں معلوم کہ ان کے رابطے کس نے کروائے۔پاکستان کی سیاست میں ہر جگہ اسٹیبلشمنٹ کا رول ہے میں نے شجاع کی کتاب نہیں پڑھی۔ میں 126 دن دھرنے میں عمران خان کے ساتھ تھا وہاں کوئی اسٹیبلشمنٹ نظرنہیں آئی ۔انہوں نے اپنی کتاب سے متعلق بات کرتے ہوئے کہا کہ کتاب کا ایک حصہ میں نے جیل میں لکھا جس کا نام فرزند پاکستان رکھا ہے اور دوسرا حصہ لال حویلی سے اقوام متحدہ تک ہے ۔