اتوار‬‮ ، 06 جولائی‬‮ 2025 

’’را‘‘ سے تعلق کے الزام میں فائر بریگیڈ کا ملازم 2 ساتھیوں سمیت گرفتار قبضے سے اسلحہ، لیپ ٹاپ اور موبائل فونز برآمد ،تہلکہ خیز انکشافات

datetime 15  جولائی  2020
ہمارا واٹس ایپ چینل جوائن کریں

کراچی(این این آئی)وفاقی تحقیقاتی ادارے ایف آئی اے نے کراچی میں ایک بڑی کارروائی کرتے ہوئے بھارتی خفیہ ایجنسی را سے تعلق کے الزام میں فائر بریگیڈ کے ملازم کو 2 ساتھیوں سمیت گرفتار کر لیا۔ملزمان کو ایف آئی اے کے انسدادِ دہشت گردی ونگ نے کراچی کے سوک سینٹر، لیاقت آباد اور خالد بن ولید روڈ سے گرفتار کیاہے۔

ایف آئی اے حکام کے مطابق ملزمان ظفر خان، سفیان اور جاوید میمن کے قبضے سے اسلحہ، لیپ ٹاپ اور موبائل فونز برآمد ہوئے ہیں جن سے ملزمان کی کارروائیوں کے شواہد بھی ملے ہیں۔ایف آئی اے حکام کے مطابق گرفتار ملزم ظفر خان را کی ایما پر بم دھماکوں اور ٹارگٹ کلنگ میں ملوث رہا ہے۔گرفتار ملزم نے بھارت میں 14 ماہ تک دہشت گردی کی ٹریننگ لی، ملزم کو دہلی میں محمود صدیقی گروپ نے عسکری تربیت دلوائی۔حکام کے مطابق ملزم ظفر کراچی میں شہری حکومت کے محکمہ فائر بریگیڈ کا ملازم ہے جس کا تعلق ایم کیوایم لندن سے ہے۔ایف آئی اے حکام کے مطابق ملزم بم بنانے اور جدید ہتھیار چلانے کا ماہر ہے، ایف آئی اے کے انسداد دہشت گردی ونگ نے ملزم سے جڑے حوالہ ہنڈی کے بین الاقوامی خفیہ نیٹ ورک کا بھی پردہ چاک کیا ہے۔را کے سلیپر سیل کو فنڈز فراہم کرنے والی منی ایکسچینج کمپنی کے دو ملازمین کو بھی گرفتار کیا گیا ہے۔گرفتار ملزم سفیان منی ایکسچینج کمپنی کا ڈائریکٹر اور جاوید میمن منیجر ہیں۔ایف آئی اے حکام کے مطابق حوالہ ہنڈی کے ذریعے ملک دشمن عناصر کو یہی ملزمان رقوم فراہم کرنے میں ملوث تھے۔ملزمان کے ساتھیوں کی تفصیلات ملک کے تمام ایئر پورٹس پر فراہم کر دی گئی ہیں، جبکہ ملزمان کے خلاف مقدمہ درج کرکے مزید تحقیقات شروع کردی گئی ہیں۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



وائے می ناٹ


میرا پہلا تاثر حیرت تھی بلکہ رکیے میں صدمے میں…

حکمت کی واپسی

بیسویں صدی تک گھوڑے قوموں‘ معاشروں اور قبیلوں…

سٹوری آف لائف

یہ پیٹر کی کہانی ہے‘ مشرقی یورپ کے پیٹر کی کہانی۔…

ٹیسٹنگ گرائونڈ

چنگیز خان اس تکنیک کا موجد تھا‘ وہ اسے سلامی…

کرپٹوکرنسی

وہ امیر آدمی تھا بلکہ بہت ہی امیر آدمی تھا‘ اللہ…

کنفیوژن

وراثت میں اسے پانچ لاکھ 18 ہزار چارسو طلائی سکے…

دیوار چین سے

میں دیوار چین پر دوسری مرتبہ آیا‘ 2006ء میں پہلی…

شیان میں آخری دن

شیان کی فصیل (سٹی وال) عالمی ورثے میں شامل نہیں…

شیان کی قدیم مسجد

ہوکنگ پیلس چینی سٹائل کی عمارتوں کا وسیع کمپلیکس…

2200سال بعد

شیان بیجنگ سے ایک ہزار اسی کلومیٹر کے فاصلے پر…

ٹیرا کوٹا واریئرز

اس کا نام چن شی ہونگ تھا اوروہ تیرہ سال کی عمر…