کراچی (سائوتھ ایشین وائر)پاکستان میں سرگرم بھارت کی خفیہ ایجنسی را نیٹ ورک کے خلاف کارروائیاں جاری ہیں۔سائوتھ ایشین وائر کے مطابق ایف آئی اے کانٹر ٹیررزم ونگ کراچی نے کارروائی کرتے ہوئے اسپیشل برانچ پولیس کے اے ایس آئی کو گرفتار کر لیا ہے۔ایف آئی اے نے دعویٰ کیا ہے کہ اے ایس آئی مصور نقوی را سلیپرسیل کا اہم رکن ہے۔ملزم کراچی ایئرپورٹ پر سرویلنس یونٹ میں ڈیوٹی کر رہا تھا۔سائوتھ ایشین وائر کے مطابق ملزم 1991 میں سندھ پولیس میں بھرتی ہوا اور محمود صدیقی کی ہدایت پر اسے رقم فراہم کی جاتی تھی۔

کراچی میں را کا مبینہ ایجنٹ گرفتار، ایم کیو ایم لندن سے رابطہ تھا۔ملزم 2008 میں ٹریننگ کے لیے انڈیا بھی جا چکا ہے اور ایئرپورٹ پر ساتھیوں کی آمدورفت میں سہولت کاری کرتا تھا۔ملزم ٹارگٹ کلنگ اور دہشت گردی کی کارروائیوں میں بھی ملوث رہا ہے۔ایف آئی اے حکام نے دعوی کیا ہے کہ گرفتار ملزم کا تعلق ایم کیوایم لندن سے ہے۔کراچی پولیس کا ایک اے ایس آئی پہلے بھی گرفتار کیا جا چکا ہے۔بھارتی خفیہ ایجنسی را کے 6 مبینہ ملزمان گرفتار کیے جا چکے ہیں۔ساوتھ ایشین وائر کے مطابق گرفتار ملزمان سے جے آئی ٹی تحقیقات کر رہی ہے۔