ضمانتی بانڈ تاوان ہے ، شہباز شریف نے حکومتی فیصلے کو مسترد کرتے ہوئے بڑا اعلان کردیا

  جمعرات‬‮ 14 ‬‮نومبر‬‮ 2019  |  10:24

اسلام آباد(مانیٹرنگ ڈیسک)ن لیگ کے صدر شہباز شریف نے الزام عائد کیا ہے کہ حکومت نواز شریف سے انڈمنٹی بانڈ کی آڑ میں تاوان لینا چاہتی ہے۔ پارٹی رہنماؤں کے ہمراہ  پریس کانفرنس کرتے ہوئے شہباز شریف کا کہنا تھا کہ عمران خان نے نواز شریف کی صحت سے متعلق سنگ دلی کا مظاہرہ کیا، عمران نیازی کو بہت بڑی بھول ہے، نا این آر او دے سکتے ہیں اور نا این آر او لے سکتے ہیں۔حکومت شیورٹی بانڈ کی آڑ میں نواز شریف سے تاوان لینا چاہتی ہے لیکن مسلم لیگ نے حکومت کے اس فیصلے کو مسترد کر دیا


ہے، شیورٹی بانڈ کی شرط ہمیں کسی صورت قبول نہیں۔دو عدالتوں نے نواز شریف کو علاج کے لیے بیرون ملک جانے کی اجازت دی ہے لیکن اس کے باوجود حکومت نواز شریف کی صحت پر سیاست کر رہی ہے جس کی کوئی مثال نہیں ملتی۔ نواز شریف صبر، جرات و بہادری سے صورت حال کا سامنا کر رہے ہیں ۔ پوری قوم ان کی صحت کے حوالے سے پریشان ہے لیکن حکومت سیاست کیلئے پریشان ہے۔

موضوعات:

loading...