کرتارپورراہداری منصوبہ،پاکستان بھارت پر بازی لے گیا ،پوری دنیا کی سکھ برادری کو بڑی خوشخبری سنا دی

  منگل‬‮ 9 اپریل‬‮ 2019  |  13:22

اسلام آباد (این این آئی) ترجمان دفتر خارجہ نے کہاہے کہ کرتارپورراہداری منصوبے پرپاکستان نے 50 فیصدسے زیادہ کام مکمل کر لیا ہے، بھارت کے ساتھ کچھ معاملات پر تاحال اتفاق رائے نہیں ہے،ٹیکنیکل مذاکرات میں دریا پر پل کی تعمیر سمیت دیگرتکنیکی پہلوؤں کاجائزہ لیاجائیگا۔منگل کو ایک بیان میں انہوں نے کہاکہ کرتارپورراہداری کے لئے ٹرمینلز اور سڑکوں کی تعمیر پرخاطرخواہ کام ہوچکا ہے۔ بتایا گیا ہے کہ بھارت کی جانب سے بھی انفراسٹرکچرتعمیرکا کام جاری ہے۔ بھارت کے ساتھ کچھ معاملات پر تاحال اتفاق رائے نہیں ۔ بھارت 5 ہزار سکھ یاتریوں کی روزانہ کی بنیاد پر آمد چاہتا


ہے۔ پاکستان کے لئے ایک روز میں اتنے زیادہ یاتریوں کیلئے انتظامات کرنا مشکل ہیں۔انہوں نے کہاکہ بھارت سکھ یاتریوں کی پیدل گوردوارہ دربارصاحب آمد کا خواہشمند جب کہ پاکستان سکھ یاتریوں کو گاڑیوں کے ذریعے گوردوارہ دربارصاحب پہنچانے کاخواہشمند ہے۔

موضوعات:

loading...