اسلام آباد(مانیٹرنگ ڈیسک)پاکستان کے سابق آرمی چیف راحیل شریف کو کون نہیں جانتا؟ نئے سال کے پہلے روز سعودی عرب میں ان کی پاکستانی مزدوروں کیساتھ ملاقات کی ویڈیو منظرعام پر آ گئی جس پر وہ ایک مرتبہ پھر خبروں کی زینت بنا گئے ہیں۔میڈیا رپورٹس کے مطابق اس ویڈیو میں دیکھا جا سکتا ہے کہ جنرل (ر) راحیل شریف سعودی عرب
کے کسی علاقے میں پاکستان مزدوروں کو دیکھ کر اپنی گاڑی روک لیتے ہیں اور باہر نکل کر ان سے ملاقات کرتے ہیں۔ جنرل (ر) راحیل شریف کو دیکھتے ہی پاکستانی مزدور بھی خوشی سے نہال ہو جاتے ہیں اور ان کا بھرپور استقبال کرتے ہیں۔سوشل میڈیا پر وائرل ہونے والی یہ ویڈیو نئی ہے یا پرانی؟ اس بارے میں کچھ نہیں کہا جا سکتا البتہ اس سے قبل یہ ویڈیو سوشل میڈیا پر نہیں دیکھی گئی اس لئے قوی امکان ہے کہ اس ویڈیو کو حال ہی میں بنایا گیا ہے ۔
