لاہور(آن لائن)صوبائی وزیر برائے ہاوسنگ محمود الرشید 50لاکھ گھروں کے وعدے کی تکمیل کے لیے پرعزم ہیں۔ عہدے کا حلف اٹھانے کے بعد اپنے ایک بیان میں میاں محمود الرشید کا کہنا تھا کہ 50لاکھ گھر کا وعدہ پورا کرنے کے لیے اخوت یا کسی تعمیراتی کمپنی کیساتھ کام ہوسکتا ہے‘مختلف تجاویز پر کام کررہے ہیں۔میاں محمود الرشید کا کہنا تھا کہ کابینہ میں کوئی سینئر جونئیر نہیں،سب مل کر کام کریں گے‘مرکز کی سطح پر ایک ٹاسک فورس بنے گی۔واضح رہے کہ پنجاب حکومت میں شامل

نئی کابینہ میں علیم خان کوپنجاب کابینہ میں لوکل گورنمنٹ اورکمیونٹی ڈیولپمنٹ کاقلمدان سونپ دیا گیا۔جبکہ علیم خان پنجاب کے سینئروزیر بھی ہوں گے‘راجہ بشارت کو پنجاب میں قانون اورپارلیمانی امورکا وزیربنا دیا گیا۔مخدوم ہاشم بخت کووزیر خزانہ پنجاب بنا دیا گیا۔حافظ ممتاز احمد کو ایکسائز،ٹیکسیشن اورنارکوٹکس کنٹرول کا قلمدان دیدیا گیا ہے۔اسی طرح سمیع اللہ چودھری کووزیر خوراک پنجاب،فیاض الحسن چوہان کوپنجاب کا وزیر اطلاعات اورکلچربنایا گیا ہے۔

موضوعات:میاں محمود الرشید