لاہور (سی پی پی )پاکستان تحریک انصاف کے رہنماعلیم خان نے کہا ہے کہ بطور وزیر میں ذاتی گاڑی استعمال کروں گا اور حکومتی وسائل خرچ نہیں ہوں گے۔ سماجی رابطے کی ویب سائٹ ٹوئٹر پر اپنے پیغام میں علیم خان کا کہنا تھا کہ بطور وزیر میں اپنی تنخواہ ہر ماہ شوکت خانم ہسپتال کو عطیہ کروں گا۔ وزیراعظم کی کفایت شعاری کی مہم میں بھرپور ساتھ دیا جائے گا۔علیم خان کی جانب سے اس اعلان کو سوشل میڈیا پر خوب

سراہا جا رہا ہے اور صارفین دل کھول کر ان کی تعریف کرنے میں مصروف ہیں۔ واضح رہے کہ اس سے قبل علیم خان نے پنجاب کابینہ میں بطوروزیرحلف لینے سے پہلے اپنی کمپنیوں سے استعفیٰ دیا جس کے باعث وہ عوامی عہدے کے دوران کمپنی میں کسی عہدہ پر فائز نہیں رہیں گے۔پاکستان تحریک انصاف نے پنجاب اسمبلی کی کابینہ میں پی پی 158سے پی ٹی آئی کے امیدوار علیم خان کو وزیربلدیات کا قلمدان دینے کا فیصلہ کیا ہے۔

موضوعات:علیم خان