لاہور (آن لائن) چیف جسٹس پاکستان نے میگا پراجیکٹس اورنج لائن میٹرو ٹرین منصوبے کی تکمیل مکمل نہ ہونے پر برہمی کا اظہار کیا ہے کہ اور اس منصوبے کی تکمیل کیلئے ٹائم فریم مانگ لیا ہے ۔ چیف جسٹس پاکستان جسٹس میاں ثاقب نثار کی سربراہی میں بنچ نے میگا پراجیکٹس کے بارے میں از خود نوٹس کی سماعت کی. چیف جسٹس پاکستان نے افسوس کا اظہار کیا کہ لاہور کے شہریوں نے بہت زیادہ مشکلات اٹھا لی ہیں لیکن ابھی یہ منصوبہ مکمل کیوں نہیں ہوا۔ حبیب کنسٹرنشن کے نمائندے

نے بتایا کہ منصوبے کا 90 فیصد سے زائد کام مکمل ہوچکا ہے اور باقی کام چینی کمپنی نے کرنا ہے جس میں تین سے چار ماہ لگ سکتے ہیں۔ حبیب کنسٹرنشن کے نمائندے نے بتایا کہ آخری دو چیک باونس ہوگئے ہیں۔ اس پر چیف پاکستان نے حیرت کا اظہار کیا کہ سٹیٹ کے چیک کیسے باؤنس ہوسکتے ہیں۔ چیف جسٹس پاکستان نے سیکرٹری فنانس سے چیک باؤنس ہونے کے معاملے پر طلب کر لیا۔ چیف جسٹس پاکستان نے واضح کیا کہ انہیں ٹائم فریم چاہیے کہ کب تک لاہور کو اس مشکل سے آذاد کرائیں گے۔