اسلام آباد(مانیٹرنگ ڈیسک)پاکستان کو درپیش مسائل سے نکلنے کیلئے سنت ابراہیمیؐ بہترین راستہ ہے، صدر ممنون حسین کی عیدالاضحی کے موقع پر قوم کے نام پیغام۔ تفصیلات کے مطابق صدر مملکت ممنون حسین نے عیدالاضحی کے موقع پر قوم کو پرمسرت موقع کی مبارکباد دیتے ہوئے اپنے پیغام میں کہا ہے کہ اللہ تعالیٰ پاکستانی قوم اور پوری ملت اسلامیہ کی عبادات و قربانیاں قبول فرمائے۔ان کا کہنا تھا کہ آج کے دن
عظیم انبیاء نے اطاعت و ایثار اور قربانی کی لازوال مثال پیش کی، یہ عمل رہتی دنیا کے لئے ایک مشعل راہ کی حیثیت اختیار کر گیا ہے۔انہوں نے مزید کہا کہ عبادت کی یہی روح ہے جو اس دنیا کو جنت کا نمونہ بنا سکتی ہے۔صدر مملکت نے کہا کہ وطن عزیز کو درپیش مسائل سے نکلنے کے لیے سنت ابراہیمیؑ سے ہی رہنمائی لینا ہو گی۔انہوں نے کہا کہ انا مسائل کی اصل جڑ ہے اور دنیا کے مسائل کا خمیر اسی مرض سے اٹھا ہے۔
