اسلام آباد(مانیٹرنگ ڈیسک) سعودی ولی عہد شہزادہ محمد بن سلمان نےپاکستان تحریک انصاف کے چیئرمین عمران خان کو ٹیلی فون کیا ہے۔ رہنماپی ٹی آئی نعیم الحق کے مطابق سعودی ولی عہد نے عمران خان کو انتخابات میں کامیابی پر مبارکباد دی اور ان کیلئے نیک خواہشات کا اظہار کیا۔ شہزادہ محمد بن سلمان نے عمران خان کو دورہ سعودی عرب کی دعوت بھی دی۔سعودی ولی محمد نے عمران خان سے ٹیلی فونک گفتگو
میں کہا کہ ہم پاکستان میں بھاری سرمایہ کاری میں دلچسپی رکھتے ہیں مستحکم کاروباری تعلقات چاہتے ہیں پاکستان میں معاشی کاروباری امکانات وسیع اور روشن ہیں عمران خان نے کہا کہ سعودی ولی عہد کی زیر نگرانی کرپش کیخلاف موثر مہم چلائی گئی۔ درست اور مفید گورننس کرپشن کے خاتمہ کے ساتھ ہیں ممکن ہے ولی عہد کے تجربات سے استفادہ کرینگے۔واضح رہے کہ سعودی عرب کی جانب سے عمران خان کے ساتھ یہ تیسرا رابطہ ہے۔
