اسلام آباد (سی پی پی)العزیزیہ اور فلیگ شپ ریفرنس کی سماعت میں پیشی کیلئے نوازشریف کو احتساب عدالت پہنچا دیا گیاتاہم اس بار سابق وزیراعظم کو بکتر بند گاڑی میں نہیں بلکہ کالے رنگ کی لینڈ کروزر میں بٹھا کر لایا گیاہے ۔تفصیلات کے مطابق 13 اگست کو ہونے والی پیشی میں نوازشریف کو بکتر بند گاڑی میں بٹھا کر عدالت لایا گیا جسے دیکھ کر ن لیگی قیادت میں شدید تحفظات پیداہوئے اور ان کی جانب سے بھر پور احتجاج ریکارڈ کروایا گیا اور شہبازشریف نے

نگراں وزیراعظم خط لکھ کر اس توہین آمیز رویے کو روکنے کی درخواست کی ۔تاہم بدھ کو نوازشریف کو بکتر بند گاڑی کی بجائے لینڈ کروزر میں بیٹھا کر اڈیالہ جیل سے احتساب عدالت لایا گیا اور ان کے ساتھ سکیورٹی کی 7 گاڑیاں بھی تھیں۔یہاں یہ امر بھی قابل ذکر ہے کہ نوازشریف کی آمد سے قبل ایک بکتر بند گاڑی لائی گئی تو لیگی قیادت نے اسے غلط فہمی میں گھیر لیا کہ اس میں نوازشریف موجود ہیں اور نعرے بازی بھی کی گئی ۔

موضوعات:شہبازشریف