اسلام آباد(مانیٹرنگ ڈیسک) الیکشن 2018 میں کامیابی کے بعد عمران خان کو دنیا بھر سے مبارکباد دینے کا سلسلہ جاری ہے ،مختلف ممالک کے سفراء بھی ان سے ملاقاتیں کر رہے ہیں۔ اب انہیں ایک ایسے شخص کی طرف سے مبارکباد کا پیغام آ گیا ہے کہ سن کر سعودی عرب آگ بگولہ ہو جائے گا۔ برطانوی نیوز ویب سائٹ alaraby کے مطابق
یمن میں سعودی اتحاد کے خلاف برسرپیکار حوثی باغیوں کے سربراہ علی الحوثی نے بھی عمران خان کو انتخابی جیت پر مبارکباد کا پیغام بھجوایاہے۔اس پیغام میں ایران کے حمایت یافتہ حوثیوں کے سربراہ علی الحوثی نے کہا ہے کہ ہمیں امید ہے کہ پاکستان کے نئے لیڈر یقیناًدوسروں کی جنگیں لڑنے کے نقصانات کو سمجھیں گے۔
