لاہور( این این آئی ) پنجاب کے نگراں وزیر داخلہ شوکت جاوید نے کہا ہے کہ سابق وزیراعظم محمد نواز شریف کی صحت بالکل ٹھیک ہے اور انہیں جیل میں مناسب سہولیات فراہم کی جارہی ہیں، نواز شریف کو ٹی وی، اخبارات، کتب، ایئر کنڈیشن اورمسٹ فین کی سہولت فراہم کی گئی ہے۔ صحافیوں سے گفتگو
میں انہوں نے کہا کہ جیل مینوئل کے مطابق مریم نواز اورکیپٹن (ر)محمد صفدرکو ایک دن کی ملاقات کی اجازت ہے، جبکہ نوازشریف کے دوستوں عزیز و اقارب کی ملاقاتوں کیلئے جمعرات کا روز مقرر ہے۔ انہوں نے کہا کہ حسن اور حسین نواز وفاق کے ملزم ہیں ان کے بارے میں پنجاب حکومت لاعلم ہے۔
