حیدر آباد(آن لائن) نگراں وفاقی وزیر خارجہ و دفاع عبداللہ حسین ہارون نے کہا کہ مسلم لیگ ن اور پیپلزپارٹی ایک دوسرے کو گالیاں دے رہے تھے اور اب پنجاب میں ساتھ بیٹھ گئے۔ جمہوریت کا مقصد صرف انتخابات جیتنا نہیں، جمہوریت کا مقصد ذمہ داریاں ہیں۔
حیدرآباد میں شیخ محمد شمیم کی رہائش گاہ پر پریس کانفرنس کرتے ہوئے عبداللہ حسین ہارون نے کہا کہ کالعدم تنظیموں کو الیکشن میں موقع دیا گیا میں نے کہا یہ مناسب نہیں ہے۔انہوں نے کہا کہ امریکا نے پچھلے برسوں میں ہمارا ساتھ نہیں دیا۔ مالی معاملات میں امریکا کی حیثیت ہے ہرجگہ ہمارا گلا گھونٹا جارہا ہے۔عبداللہ حسین ہارون کہتے ہیں کہ ہمارے ساتھ مغرب نے بھی اچھا سلوک نہیں کیا۔
