اسلام آباد(مانیٹرنگ ڈیسک) بیگم کلثوم نواز کا علاج اس وقت لندن کے ہارلے سٹریٹ کلینک میں جاری ہے جبکہ نوازشریف اور مریم نوا ز اڈیالہ جیل میں ہیں تاہم گزشتہ روز حسین نواز نے خوشخبری سناتے ہوئے بتایا تھا کہ ان کی والدہ کو ہوش آ چکاہے او ر وہ اشاروں میں بات بھی کرتی ہیں جبکہ پہچانتی بھی ہیں تاہم اب لندن میں موجود ایک پاکستانی صحافی راشد ہاشمی نے ایسا انکشاف کر دیاہے کہ سن کر آپ بھی حیران رہ جائیں گے۔
میڈیا رپورٹس کے مطابق راشد ہاشمی نے ٹویٹر پر جاری پیغام میں کہا کہ حلفاً کہتا ہوں کہ کل ہارلے سٹریٹ کلینک بیگم کلثوم نواز کی عیادت کوگئے تو ہمیں جس انتظار گاہ میں بیٹھایا گیا’کچھ دیر بعدسیکیورٹی گارڈ نے حسین نواز کو کہاکہ یہ”Silent Zone“ہے اور ہم دوسری جگہ چلے گئے ،اعتراز احسن اورمتعدداینکرز یہ جھوٹ بولتے نہیں تھکتے تھے کہ یہ کلینک شریف فیملی کاہے۔