اسلام آباد (مانیٹرنگ ڈیسک) عمران خان نے اپنے ایک بیان میں کہا ہے کہ وہ وزیراعظم ہائوس نہیں رہیں گے بلکہ اسپیکر ہائوس رہیںگے ۔ معروف صحافی رئوف کلاسرا نے نجی ٹی وی کے پروگرام میں گفتگو کرتے ہوئے کہا ہے کہ میں عمران خان نے پاپولر فیصلے کرنے کی کوشش کی ہے لیکن ہم نے جغرافیائی اعتباز سے وزیراعظم ہائوس کو دیکھا ہے جہاں پر نہ تو کوئی یونیورسٹی بن سکتی ہے اور نہ ہی عوام کیلئے کوئی بہتر مقام بنایا جا سکتا ہے ۔

عمران کان کے فیصلے پر میرا موقف تھوڑا سے مختلف ہے اور ہو سکتا کہ لوگ میرے موقف کو پسند نہ کریں لیکن میں عمران خان کے فیصلے کی حمایت نہیں کر تا کیونکہ عمران خان ایسے پاپولر فیصلے کرنے سے بہتر ہے کہ وہ وزیراعظم ہائوس میں ہی رہیں اور ہمیں کچھ ڈیلیور کریں ۔ رئوف کلاسرا کا کہنا تھا کہ پاکستانی عوام کو اس سے کوئی غرض نہیں کہ آپ وزیراعظم ہائوس رہیں یا کہیں اور ۔ لیکن ہاں آپ سکرٹریٹ چلائیں ، اپنے اخراجات اور کم سے کم لوگوں کو رکھیں ۔ معروف صحافی نے ایک اور جگہ یہ کہا ہے کہ کچھ اراکین نے اعلان کر نا شروع کر دیئے ہیں کہ ہم تنخواہیں لیں گے ۔ مجھے یاد ہے کہ عبدالرزاق دائود صاحب کہتے تھے کہ میں تنخواہ نہیں لوں گا ، انہوں نے تنخواہ نہیں لی لیکن پوری دنیا پھر لی تھی ۔ میں ایسے لوگوں کو کہنا چاہتا ہوں کہ آپ کے 70,یا 80ہزار لینے سے پاکستان کو کوئی فرق نہیں پڑنے والا ۔آپ اپنی تنخواہ ضرور لیں لیکن عوام کو ڈلیور بھی کریں ۔