اسلام آباد(آئی این پی)مسلم لیگ ن نے فارم 45سے متعلق تحفظات الیکشن کمیشن کے سامنے رکھ دیئے جبکہ الیکشن کمیشن نے شکایات سننے کے لیئے بینچ تشکیل دینے کا فیصلہ کر لیا ،سیکرٹری الیکشن کمیشن سے ملاقات کے بعد صحافیوں سے گفتگو کرتے ہوئے ترجمان مسلم لیگ ن مریم اورنگزیب نے کہا ہے کہ سیکرٹری الیکشن کمیشن نے کہا کہ ہے کہ ہم دو بینچ بناتے ہیں وہ بینچ
دوبارہ گنتی کرانے کے معاملات کو دیکھے گا،نوازشریف کے بائیں بازو میں درد تھا لیکن وہ پمز میں نہیں رہنا چاہ رہے تھے انہوں نے کہا ہے کہ میری جو بھی ٹریٹمنٹ کرنی ہے وہ وہ اڈیالہ جیل میں ہی کی جائے۔بدھ کو مسلم لیگ ن لیگ کے وفد نے سیکرٹری الیکشن کمیشن سے ملاقات کی ،ن لیگ کے وفد میں مشاہد حسین اور مریم اورنگزیب اور شذرہ منصب شامل تھیں ،ن لیگی وفد نے ملاقات میں عام انتخابات میں فارم پنتالیس سے متعلق تحفظات سے سیکرٹری الیکشن کو آگاہ کیا،ملاقات کے بعدصحافیوں سے غیر رسمی گفتگو کرتے ہوئے مریم اورنگزیب نے کہا کہ ہم نے جو بے ضابطگیاں ہیں وہ سیکرٹری صاحب کو بتائی ہیں کہ کہاں کہاں مشکلات آ رہی ہیں ،ریٹرننگ افسران کی سطح پر کیا مشکلات آرہی ہیں ،جس پر سیکرٹری الیکشن کمیشن نے کہا ہے کہ وہ الیکشن کمیشن کے دو بینچ بنارہے ہیں جو ان درخواستوں کو دیکھے گا،مریم اورنگزیب نے کہا کہ جب ایک بندہ الیکشن لڑتا ہے تو وہ جان پر کھیل کر لڑتا ہے ،جو فارم 45 کے حوالے سے بے ضابطگیاں نظر آتی ہیں وہ تمام چیزیں الیکشن کمیشن کو پتہ ہونی چاہیئں،سیکرٹری الیکشن کمیشن نے کہا کہ ہے کہ ہم دو بینچ بناتے ہیں وہ بینچ دوبارہ گنتی کرانے کے معاملات کو دیکھے گا،مریم اورنگزیب نے کہا کہ نواز شریف کے بائیں بازو میں درد تھا لیکن وہ پمز میں نہیں رہنا چاہ رہے تھے حالانکہ ڈاکٹرز نے کہا کہ ان کو ہسپتال میں رہنا چاہیئے،نواز شریف نے کہا ہے کہ میری جو بھی ٹریٹمنٹ کرنی ہے وہ وہ اڈیالہ جیل میں ہی کی جائے ،وہ پمز میں بڑی مشکل سے رہے،ڈاکٹرز نے زبردستی انہیں ہسپتال میں رکھا وہ جانا چاہتے تھے اس لیئے وہ چلے گئے۔
