اسلام آباد(مانیٹرنگ ڈیسک) کرپشن اور بدیانتی پر نااہل ہونے والے  نواز شریف کے پرنسپل سیکرٹری فواد حسن فواد نے  دوران تفتیش  تہلکہ خیز انکشافات کر دئیے۔نجی ٹی وی  کے مطابق فواد حسن فواد نے  کہا کہ جو کچھ کیا شہباز شریف کی ایما پر کیا ہے۔نیب نے سوال کیا کہ کس کے کہنے پر آشیانہ اقبال پراجیکٹ کا ٹھیکہ بدلا ؟ تو فواد حسن فواد کا کہنا تھا کہ جو کچھ بھی کیا سابق وزیر اعلی شہباز شریف کے کہنے پر کیا۔

فواد حسن فواد سے یہ بھی پوچھا گیا کہ جو انکوائری کمیٹی وزیراعلی پنجاب شہباز شریف نے بنائی تھی جس کے سربراہ اس وقت کے صوبائی وزیر خزانہ طارق باجوہ تھے ۔تو وہ پانچ رکنی کمیٹی کی رپورٹ آپ نے کس کے کہنے پر دبائی تھی ؟۔تو فواد حسن فواد نے جواب دیا کہ انہوں نے شہباز شریف کے زبانی احکامات پر عمل کرتے ہوئے اس کمیٹی کی رپورٹ دبائی تھی۔کیونکہ شہباز شریف کو لگتا تھا کہ یہ رپورٹ ان کی مرضی کے خلاف ہے۔اس صورتحال کے بعد شہبازشریف کے گرد گھیرا مزید تنگ ہو گیا ہے۔

موضوعات:فواد حسن فواد