اسلام آباد(نیوزڈیسک)پنجاب حکومت نوازشریف کے معاملے میں مصلحت کا مظاہرہ کررہی ہے ،انہیں جیل سے ہسپتال منتقل کرنے کا فیصلہ کیوں نہیں کیاجارہا؟ جاوید چودھری نے وجہ بتادی، نجی ٹی وی سے گفتگو کرتے ہوئے جاوید چودھری نے انکشاف کیاکہ پنجاب حکومت نوازشریف کے بارے میں مصلحت کا مظاہرہ کررہی ہے ،ڈاکٹروں کے انتباہ کے باوجود مناسب وقت کا انتظار کیاجارہاہے،میڈیکل بورڈ نے نوازشریف کی صحت سے متعلق

سیکرٹری پنجاب کو مطلع کردیا ہے مگر تاحال ان کی جانب سے کوئی فیصلہ سامنے نہیں آیا،نوازشریف کے ساتھ جیل میں بدترین سلوک کیاگیا، سابق وزیراعظم پاکستان کے ساتھ ایسا سلوک کیاگیا جو کہ مناسب نہیں تھا، انہیں زمین پر لٹایاگیا، انہیں گزشتہ روز ہی باہر سے کھانا منگوانے کی اجازت دی گئی اور کھانا پہنچتے پہنچتے ٹھنڈا ہوجاتاہے، انہوں نے بتایا کہ جنرل اظہر کیانی نے مشورہ دیا ہے کہ انہیں فوری طورپر ہسپتال منتقل کیاجائے ورنہ کوئی حادثہ رونما ہوسکتاہے۔نوازشریف کی حالت جیل میں خاب ہوگئی ہے اور اس سلسلے میں ان کی حالت خراب ہونے کی تین وجوہات سامنے آگئی ہیں، بتایاجارہاہے کہ نوازشریف نے جیل کے پہلے تین دن جیل کا ہی کھانا کھایا کیونکہ وہ اس کے عادی نہیں تھے اس وجہ سے ان کی حالت خراب ہونا شروع ہوگئی دوسری وجہ یہ بتائی جارہی ہے کہ جیل میں انتہائی شدید گرمی کی وجہ سے نوازشریف کو بہت زیادہ پسینہ آیا جس کی وجہ سے نوازشریف کو ڈی ہائیڈریشن ہونا شروع ہوگئی اور ان کے خون میں یوریا کی مقدار 88تک پہنچ گئی، کریٹانائن 1.4تک پہنچ گئی ، ڈاکٹرز نے انتباہ کیا ہے کہ نوازشریف کے گردے فیل ہونے کا خدشہ ہے،ان کے جسم میں پانی کی شدید کمی پیداہوچکی ہے معروف صحافی جاوید چودھری نے نجی ٹی وی سے گفتگو کرتے ہوئے بتایا ہے کہ نوازشریف کی پسینہ برداشت کرنے کی عادت نہیں تھی

اور ان کو جیل میں بہت زیادہ پسینہ آیا جس کی وجہ سے ان کو ڈی ہائیڈریشن ہوچکی ہے ڈاکٹرز کے مطابق پہلے ان کے ٹیسٹ بالکل نارمل تھے اور یوریا کی مقداربھی نارمل تھی ، ان کی ای سی جی تھوڑی بہت خراب تھی ان کا شوگر بھی کنٹرول میں تھا، پہلے ان کے ٹیسٹ نارمل تھے لیکن کل جب ان کا بلڈ لیاگیا اوران کے ٹیسٹ کئے گئے تو رات کو ایمرجنسی میں ڈاکٹر میجر جنرل اظہر کیانی کو بلایاگیا جو پاکستان کے مشہور کارڈیالوجسٹ ہیں تو

انہوں نے جب نوازشریف کی کنڈیشن دیکھی تو انہوں نے فوراً نوازشریف کو ہسپتال منتقل کرنے کا مشورہ دیا، انہوں نے بتایا کہ ڈاکٹروں کاخیال ہے کہ اگر رات کو ان کی حالت خراب ہوگئی تو ایمرجنسی میں انہیں منتقل کرنا بہت مشکل ہوجائے گا کیونکہ جیل سے منتقلی کا ایک پروسیجر ہے جس پر تین سے چار گھنٹے لگ جاتے ہیں۔ڈاکٹرز نے نوازشریف کی تشویشناک حالت کے پیش نظر انہیں فوری طورپر ہسپتال منتقل کرنے کا مشورہ دیا ہے بصورت دیگر انتباہ کیاگیا ہے

کہ تاخیر کی صورت میں سنگین نتائج کا سامناہوسکتاہے۔ معروف صحافی جاوید چودھری نے نجی ٹی وی سے گفتگو کرتے ہوئے سابق وزیراعظم نوازشریف کے بارے میں چونکا دینے والے انکشافات کئے ہیں، انہوں نے بتایا کہ ڈاکٹرز نے نوازشریف کو فوری طورپر ہسپتال منتقل کرنے کا مشورہ دیا ہے، ان کے جسم میں پانی کی شدید کمی پیداہوچکی ہے میڈیکل بورڈ نے ہیلتھ سیکرٹری پنجاب کو ایمرجنسی میں مطلع کردیاہے ، اور انہیں بتایاگیا ہے کہ اقدامات کرنا

اب آپ کی ذمہ داری ہے، بتایاجارہاہے کہ نوازشریف کے خون میں یوریا کی مقدار خطرناک حد تک پہنچ چکی ہے ، ان کے جسم میں پانی کی شدید کمی ہے اور ان کے دل کی دھڑکنیں بھی ناہموار ہوچکی ہیں، میڈیکل بورڈ نے اس سلسلے میں تصدیق کردی ہے ، ڈاکٹرز نے انتباہ کیا ہے کہ اڈیالہ جیل میں نوازشریف کی کڈنی فیل ہونے کا خدشہ ہے اور ان کی حالت انتہائی تشویشناک ہے ۔علاوہ ازیں نجی ٹی وی نے دعویٰ کیا ہے کہ نوازشریف کو جیل میں پہلے دن زمین پر لٹایاگیا،جب ان کو جیل منتقل کیاگیا تو ان کی ادویات بھی ان کو ساتھ لے جانے کی اجازت نہیں دی گئی جس کی وجہ سے معاملات بگڑنا شروع ہوئے ۔