اسلام آباد (آن لائن) آصف زرداری کے ترجمان نے کہا ہے کہ سابق صدرکو اشتہاری قرار دینے کی خبر جھوٹ پر مبنی ہے اپنے ایک بیان میں عامر فدا پراچہ نے کہا ہے آصف زرداری کو اشتہاری قرار دینے کی خبروں میں کوئی صداقت نہیں ہے یہ خبر جھوٹ پر مبنی ہے اور ایسے بیان آصف علی زرداری کو سیاسی طور پر نقصان پہنچانے کی سازش ہے انہوں نے کہا کہ ایف آئی اے کے ڈی جی بشیر میمن پیپلزپارٹی اور اس کی قیادت کے دشمن ہیں بشیر میمن کا بھائی جی ڈی اے کی
جانب سے سندھ میں انتخابات لڑ رہا ہے بشیر میمن چاہتا ہے کہ وہ اپنے بھائی کو فائدہ پہنچائے پیپلزپارٹی متعدد بار بشیر میمن کو عہدے سے ہٹانے کا مطالبہ کر چکی ہے انہوں نے کہا کہ آصف زرداری نے نجف مرزا کے خلاف بھی ایک مقدمہ دائر کیا ہو اہے سپریم کورٹ میں پیش رپورٹ میں آصف زرداری کا نام ملزما ن کی فہرست میں شامل نہیں ۔نجف علی مرزا وہ افسر ہیں جو آصف زرداری پر تشدد میں ملوث ہیں دونوں افسران آصف زرداری کو بدنام کرنے کی مہم پر ہیں لیکن وہ ناکام ہوں گے۔
