نوشہرہ(نیوزڈیسک) پرویز خٹک نوشہرہ میں انتخابی جلسے کے دوران شدید زخمی ، تفصیلات کے مطابق تحریک انصاف کے اہم رہنما اورسابق وزیراعلیٰ خیبر پختونخوا پرویز خٹک نوشہرہ میں انتخابی جلسے کے دوران سٹیج سے گر کر شدید زخمی ہوگئے ہیں، نوشہرہ کے علاقے جہانگیر میں انتخابی مہم کے سلسلے میں جلسہ جاری تھا کہ سابق وزیراعلیٰ خیبرپختونخوا پرویز خٹک اچانک سٹیج سے گر پڑے جس کی وجہ سے انہیں شدید چوٹیں آئیں، ڈاکٹرز کے مطابق پرویز خٹک کی
کمر میں شدید چوٹ آئی ہے جس کی وجہ سے ڈاکٹرز نے پرویز خٹک کو انتخابی مہم میں مزید حصہ لینے سے منع کرتے ہوئے آرام کا مشورہ دیا ہے، پرویز خٹک کی نوشہرہ میں پوزیشن کافی مضبوط بتائی جارہی ہے جہاں وہ کافی عرصے سے ناقابل شکست رہے ہیں، واضح رہے کہ گزشتہ دنوں پرویز خٹک نے اپنے ایک بیان میں پیپلزپارٹی کو شدید تنقید کا نشانہ بنایاتھا جس کے بعد ان کے خلاف پیپلزپارٹی نے الیکشن کمیشن سے ان کے بیانات کا نوٹس لینے کا مطالبہ کیاتھا۔
