اسلام آباد (مانیٹرنگ ڈیسک) معروف صحافی سہیل وڑائچ نے ایک نجی ٹی وی چینل کے پروگرام میں گفتگو کرتے ہوئے کہا کہ شہباز شریف مخمصے میں ہیں وہ چاہتے ہیں کہ اسٹیبلشمنٹ سے بھی بنا کر رکھیں اور دوسرا وہ اپنے بھائی کی حمایت بھی کرنا چاہتے ہیں تو اس درمیانی راستے کی کوشش میں میرا خیال ہے کہ ن لیگ کو کوئی فائدہ نہیں پہنچا نقصان پہنچا ہے، اس دن بجائے اس کے کہ ائیرپورٹ پر
جانے کی کوشش کی جاتی یہ ایسا لگا کہ یہ کوئی خفیہ ڈیل ہے جس کے تحت شہباز شریف اور لیگی قیادت نے کوشش ہی نہیں کی کہ وہ ائیرپورٹ پر جائیں، پروگرام کی میزبان نے پوچھا کہ یہ ڈیل کس کے ساتھ ہوئی ہو گی جس پر سہیل وڑائچ نے کہا کہ ظاہر انتظامیہ سے ہوئی ہو گی، انہوں نے کہا کہ گاڑی جتنی مرضی آہستہ چلے مگر لاہور ائیرپورٹ اتنا دور نہیں ہے کہ آپ آٹھ بجے تک پہنچ ہی نہ سکیں۔
