پشاور(مانیٹرنگ ڈیسک)سابق وفاقی وزیر غلام احمد بلور نے کہا ہے کہ ہارون بلور کی کارنر میٹنگ میں خود کش حملے کے واقعے سے 6 منٹ قبل مجھے وہاں پہنچنا تھااور اگر میں بھی پروگرام میں پہنچتا تو نشانہ بن جاتا۔میڈیا سے گفتگو میں عوامی نیشنل پارٹی کے رہنما اور سابق وفاقی وزیر غلام احمد بلور کا کہنا تھا کہ پشاور تاریخی شہر ہے،اس کی بہت قربانیاں ہیں اور دہشتگردی میں سب
سے زیادہ اے این پی کونشانہ بنایا گیا جبکہ ہمارے بہت سے لوگوں کو لگ رہا ہے کہ کچھ گڑ بڑ ہے۔ان کا مزید کہنا تھا کہ ہارون بلور کی کارنر میٹنگ میں خود کش حملے کے واقعے سے 6 منٹ قبل مجھے وہاں پہنچنا تھااور اگر میں بھی پروگرام میں پہنچتا تو نشانہ بن جاتا۔واضح رہے کہ پشاور میں خود کش حملے میں عوامی نیشنل پارٹی کے رہنما ہارون بلور سمیت 22 افراد شہید ہوئے تھے ۔
